தாட்சணியம் தாரும் தயாபரனே !!

#Sivasithan (14)தன்னிச்சையாக தனியனாக தனையறிந்தவரே

தானாககற்ற தரணியாளும் கலையை

தமிழ்கொண்டு தாடாளனாக தருவிப்பவரே

தாபம் தட்பம்அறியாது அதன்

தாத்பரியம் அறியாது தாதன் செய்த

தவறை தவிர்த்து தாண்டவம் விடுத்து

தாட்சணியம் தாரும் தயாபரனே !!

 

சிவகுருவின் பக்தன்,

மா.மணிகண்டராஜன்

வாசியோக வில்வம் எண்: 13 11 001

அலைபேசி எண்: +91 89 40 02685

‘த’ கர கவிகள்

சிவசித்தரே!
தடாதகை தவழும் தக்கணம் தழைத்தவா
தகர் தீண்டியோர் தக்கவைத்து – தக்கவர்
தகவு கொள்ள தகரவித்தை தட்டினீர்
தண்டகம் தன்னில் தண்பதமாய்
-மீனாட்சி அம்மன் தவழும் தென் இந்தியாவின் வில்வமே நீவீர்… பூமிதனைத் தீண்டியோரைக் கூட கைவிட்டுவிடாமல் தகுதி உடையவராக்கி அறிவு கொள்ளச் செய்து, இதயத்தில் தியானம் மூலம் இறைவனை உணரச் செய்தீரே மானுடரின் முதுகெழும்பினில் புதுவெள்ளமாய்…

சிவசித்தரே!
தாடாளமே நீர்அக தாட்சணி யமாம்
தாரகம் தந்த தாக்கம் – தாத்வரியமே
தாபம் நீக்கி தாமம் தந்தாய்
தாரகை தாண்டு மும்வாசி
– பெருமுயற்சியின் அம்சமே நீரே கருளை வடிவானவரே, நீர் அளித்த பிரணவ மந்திரம் கொடுத்த அனுபவ விளைவே அதன் உட்பொருளே.. வெப்பம் குறைத்து முக்தி உலகிற்கு வழி கூறினீரே… பூலோகம் தாண்டிச் செல்கிறதே எம் வாசி எனும் வழி.

sivssiththan 2  (24)சிவசித்தரே!
திக்குவிசயம் திக்கு தேவாசி திட்டிவிடம்
திட்டிதோப மும்தி கைத்தோடுமே –திரியம்பகமாம்
திருக்கண் அதனால் திருமந்திரம் தந்தாய்
தியானம் தூண்டியதே திகைப்பே..
– எல்லா திசைகளிழும் தக்க வேளையில் பரவுதே வாசி.. பார்வையிலே விஷமுள்ள மனிதர்ளூம், கண்ணேருகளும் எங்களை நிருங்காது. ஏன்னில் சிவபெருமானின் வில்லை உம் பார்வையில் வைத்துள்ளீரே.. மேலும் ஐத்தெழுத்து மந்திரம் உரைக்கச் செய்து எங்கள் மனதை ஒருமுகப் படுத்தி எங்களுள் பிரமிப்பைத் தூண்டினீரே…

சிவசித்தரே!
தீர்த்த னேநீர் தீயவைத் தீர்த்தாய்
தீனீ தீய்த்தால் தீர்க்காயுள் – தீர்க்கமே
தீக்கதி யில்தீவர்த்தி தீர்த்தன் நீவீர்
தீர்க்க தரிசியருளும் தீட்சையே..
– பரிசுத்தமானவரே நீர் தீயச் செயல்களை முடிவுறச் செய்தீரே.. சிற்றுண்டி குறைத்தால் (எரித்தால்) ஆயுள் தீர்க்கமாகும் என்று உறுதி கூறினீரே… நரகம் எனும் இருள் நீக்கி வெளிச்சம் கொடுக்கும் சொர்க்க விளக்கே நீர்… வருங்காலம் தனை எளிதில் உணரும் உணர்வாளனே நீர்.. எங்களுக்கு சமய ஞானம் அளிக்கும் குருவே நீர்…

சிவசித்தரே!
தூய் யதிகம் தூய்ய துப்பார்
துரித மாய்த்துடி துடிப்பர் – துமலால்
துருவம் துர்கமாமாய் துணிபு துளிர்க்க
துணர்தரும் துருவனே சிவசித்தனே.
– உணவு அதிகமாக உண்பவர் வேகமாய் பாதிக்கப்படுகின்றனர் தும்மலால் அசையா நிலைக்கு அரணாயிருந்து மனவுறுதி செழிக்கச் செய்து பூங்கொத்தாய் மணக்கும் அழிவற்றவரே எங்கள் சிவசித்தரே…

சிவசித்தரே!
தூமக் கோள்தனைத் தூல லிங்கமாய்
தூண் ஏற்று நீரே தூயவரே – உம்
தூய் மையிடத்தில் தூர திருட்டி
தூண்டும் தூர தரிசிநீர்
– அக்கினித்தேவனை, சிவனாகத் தம்பம் வைத்து, உண்மையான உங்கள் இடத்தில் முடிவைத்தீரே. வருங்காலம் தனை உங்கள் நினைவுகளில் கொண்டு…இனி வரும் காலங்களில் பயன் அளிக்கும் வாழ்க்கை முறைகளைத் கூறினீரே.