சிவசித்தன் ‎கரம்கோர்ப்போம் அடி என் தோழி!

வணக்கம் சிவகுருசிவசித்தனே!

‎என் தோழி – 002
‎நிலையற்ற புவியின் வாழ்வு
‎நிலையானது சிவசித்தன் அகமே!

vilvam (125)

சிவசித்தன் திருநாமம் உணர்வுகள்

‎09 சனிக்கிழமை 07 2016
‎சிவசித்தன் திருநாமம் அகம் அதில் ஓதினாலே,
இயற்கையின் ‎உண்மை நிலை உணர்த்துமே,
‎மனஎண்ணங்கள் சுழன்ற நிலையிலும்,
உன் திருநாமம் விடாது ஓதி,
யாசித்தே உன்னை அடைந்தேனே!

‎பிரபஞ்சம் அதில் ‎விண்மீன்கள் சுழலுதடி,
என் தோழி!
பல கோடி சூரியனும்
பயணித்த நிலையில் இருக்குதடி,
சூரியனைச் சார்ந்த கிரகங்களும்
அதை சுற்றியே பயணிக்குதடி,
கிரகங்களை சார்ந்த நிலவும்
அதை சூற்றியே பயணிக்குதடி,
என் தோழி!
கண்ணுக்கு தெரியாத
காற்றும் பூமியில் சுழலுதடி,
மன எண்ணங்களும் மனிதனை சுழலுதடி, என் தோழி!

அவனுள் இருக்கும் தேகசற்ப்பம் எழுந்தாடியே
நிலையான இயக்கம்
அவனை காட்டிக் கொடுக்குதடி
என் தோழி!
இவை அனைத்தையும் சுற்ற வைக்கும்
இயக்கத்தை கண்கள் காணாதடி,
அகம் திறந்தே உணரமுடியும் அடி
என் தோழி!

உன் அகம் நிலைகொண்டவனை
நீ அறிவாயடி,
அவனே அனைத்து உயிர்களிலும்
நிலையானவன் அடி,
நிலையாய் நின்றே
தேகசற்ப்பம் எழுப்புவானடி
என் தோழி!

நிலையான காட்சிகள்
ஒலி,ஒளியாய் தருவானடி!
மனிதனை சூலும்
மனஎண்ணம் அழிக்க வந்தானடி,
அழித்தே நிம்மதி தருவானடி!
மனிதகுலம் அறம் கொண்டு
வாழவழி வகுப்பானடி!
இயற்கை இயல்பை உணர்த்தி
நோயின்றி வாழவைப்பானடி!
சுழலும் இயற்கையின் இயக்கம்
அவனே அறிந்து கொள்வாயடி!
நிலவையும், சூரியன் இன்றி
அவன் புவியை இயக்க முடியாதடி!
இதை உன் அகமும் அறியுமடி,
என் தோழி!

மனிதகுலம் இயற்கை உணர்ந்து வாழவே,
சிவசித்தன் ‎கரம்கோர்ப்போம் அடி
என் தோழி!
அவன் துணை
நாம் இல்லையேல்
அவனும் அனாதையடி,
என் தோழி!

அவன் மென்மையான
அகம் உணர்வாயடி,
அதன் உண்மை உனக்கு தெரியும் அடி,
நம்பிக்கை எனும் கயிறு கொண்டே
அவனை கட்டி இழுப்போம் அடி,
என் தோழி!

சிவசித்தன் அருளிய உயிர்மெய்
மொழியின் ஒலி கொண்டே
உன் மெய்யில் மெய் உணர்வாயடி,
என் தோழி!

‎நன்றி சிவகுருசிவசித்தன்.

Previous Post
Next Post

Leave a Reply